NAGA CITY- Sinamantala ng mga taga San Jose , Camarines Sur at karating bayan ang pagkakataon upang mailapit nila ang kanilang mga concerns at mabatid ang mga programa sa kauna-unahang “Serbisyo Caravan” ng Camarines Sur Communicators Network (CamSur ComNet) at Philippine Information Agency (PIA) CamSur.
Ang mga opisina ay naka base sa Naga at ibang bahagi ng Camarines Sur , inilapit sa Partido Area.
Dumating ang Bureau of Fisheries and Aquatic Resources (BFAR) Regional Office, Bureau of Internal Revenue (BIR)– RDO 66 (Iriga City), Department of Agriculture (DA) Regional Office 5, Department of Agrarian Reform (DAR) Camarines Sur II, Department of Information and Communications Technology (DICT), Department of Science and Technology (DOST) at Department of Trade and Industry (DTI).
Kasama rin ang National Irrigation Administration (NIA) Regional Office V, PhilHealth Local Health Insurance, Social Security System (SSS) at Technical Education and Skills Development Authority (TESDA).
May booth din ang National Telecommunications Commission Regional Office 5 , kasama ang Smart Communications, Globe, and DITO para sa mga nagpapa rehistro ng simcard
Tumungo rin ang Consuelo Chito Madrigal Foundation (CCMF)– Bikol’s Human Resources Office.
Si Nanay Mily Villete ng Tagas, San Jose, nais na matuto pa kung ano pang puwedeng itanim sa kanilang lupa maliban sa palay. Pagkakataon aniya ito upang mapalawak pa ang kanilang kaalaman.
Ayon kay Mayor Jerold Peña , malaking tulong ito para sa mga kababayan niyang nais tumungo sa mga nasabing tanggapan pero pinoproblema ang pamasahe.
Ito ang inilapit niya sa PIA at tumugon naman ang opisina sa pangunguna ni Assistant Regional Head Lizel Macatangay. Ipinagpasalamat ni Macatangay ang suporta ng LGU at ng komunidad.
