MAPASIGARBUHON karon ang Mindanao State University o MSU-College of Law campus human nakapasa ang 44 ka mga law students sa Board Exam.
Sa anunsyo sa Supreme Court pinaagi ni Associate Justice at Bar Examinations chairperson Marvic Leonen nga mokabat sa 8,241 ang mga nakapasa sa pinakaunang digitalized Bar examinations nga gipahigayon niadtong Pebrero ning tuiga.
Kini ang 72.28 percent nga passing rate gikan sa 11,402 law graduates, asa 14 sa mga Bar takers ang nakakuha og “excellent performance” human makakuha og sobra pa sa 90 percent.
Sa MSU-College of Law, 44 ang nakapasa asa, usa sa maong ihap ang asawa ni Atty.Kan Balleque nga si Atty.Irene Ansao Balleque ingon man ang asawa ni Sem Catayoc nga kanhi usab empleyado sa Brigada nga si
Atty.Chymn Maru- Catayoc.
Sa MSU-GenSan adunay 105 aspiring lawyers ang nag-take og Bar exam nga gipahigayon usab mismo sa MSU-GenSan campus niadtong Pebrero 4 ug Pebrero 6.
