GIPAHUGTAN pa sa PNP- Highway Patrol Group ang ilang tinuig nga pag- implementar sa Oplan SumVac o Oplan Summer Vacation ilabi na panahon sa Semana Santa.
Kini gumikan, daghan ang mga biyahero nga nagplanong mubakasyon sa ilang mga nagkadaiyang probinsya.
Matud pa ni P/Executive Master Sergeant Manolito Garcia ang Executive senior Police officer sa HPG 12 nga hugot ang ilang pagbantay alang sa seguridad sa mga nag unang kadalanan sa tibuok rehiyon 12.
Kahibaluan nga sa bahin sa Highway Patrol Group, ang ilang Oplan SumVac ang gikalangkuban sa;
- sa pag patuman sa Road Safety and security, sa mga pribado o mga pambulikong sakyanan.
- pag inspeksyon sa mga sakyanan aron malikayan ang ‘overloading’ og angayang obserbahon ang vehicle capacity.
- ug pag sunod sa minimum health standards sama sa physical/ social distancing ug ang tamang pag suot og facemask. Angayan matud pa gihapon nga sundon ang mga protocol tungod anaa gihapon kita panahon sa pandemiya.
Dugang pa ni Garcia, nga sa panahon sa kwaresma, hugot ilang pag- monitor sa mga sakyanan pinaagi sa anti-carnapping campaign ug technical carnapping- ang technical carnapping mao ang gitawag nilang Rent Tangay, Pasalo, Assume Balance, Labas Casa ug rent sangla.
Hinungdan nga nihangyo ang HPG sa mga motorista nga makig alayon kanila.
Samtang alang usab sa nagkaduol nga national and local elections, dako matud pa ang mamahimong papel sa HPG ilabi na sa pag-escort sa mga muabutay nga mga Vote counting machines.
Sumala pa niini nga wala pa silay nadawat nga ‘tentative date’ kung kanus-a makaabot ang mga VCM nga alang sa rehiyon 12. I MJ Fernandez
