ANDAM na ang security plan sa kapulisan sa GenSan alayun sa Semana Santa.
Kini ang gibutyag ni PLt. Col. Aldrin Gonzales nga magsugod na sila sa pagdeploy sa mga kapulisan sa tanang pampublikong lugar labi na sa mga simbahang Katoliko sa ilang matag aktibidad.
Gawas sa mga simbahan, aduna usay mga pulis ug force multipliers nga i-deploy sa mga resorts, malls, terminal ug uban pa nga may pagdagsa sa mga tawo ning panahuna.
Una na usab nakig-coordinate ang mga kapulisan sa mga simbahang Katoliko sa ilang AOR aron masayran ang mga aktibidad ug mahatagan og kapulisan.
Bugtong awhag ni Gonzales sa katawhan nga motabang sa kapulisan tungod concerned matud pa sa tanan ang kahusay ug kalinaw.
Pinaagi sa paspas nga paghatag og impormasyon sa unsa mang kadudahang butang o tawo sa kapulisan, mapugngan ang unsa mang posibleng dili maayong buhaton.
