Nakapagtala na ng limang nasawi dahil sa dengue ang lalawigan ng Zambales.
Ayon kay Provincial Health Officer Dr. Noel Bueno, tig-iisa ang naitala mula sa Subic, Masinloc at Botolan habang dalawa naman sa Sta. Cruz.
Paliwanag ni Bueno, madali namang magamot ang dengue kung maagang dinadala sa doktor ang pasyente dahil kapag natagalan umano ay nagkakaroon na ng kumplikasyon.
Sa kabuuan naman, mula January 1 hanggang July 2 ay mayroon na umanong 1,125 dengue cases ang naitala sa lalawigan, mas mataas ng 28.5% ang growth rate kumpara nakaraang taon na 804 lamang sa kapareho ring mga buwan.//Jen Bayot-BNFM OLONGAPO
