Iga pataw it AKlan Electric Cooperative (AKELCO) ru dugang nga charges para sa mga past due electric bills sa bilog nga mga konsumidor sa probinsya.
Suno kay Atty. Ariel Gepty it AKELCO, naga-abot sa 10% interest ru paga bayaran it kunsumidor ingkasong uwa ka bayad sa takna nga deadline.
Gin klaro ni Gepty nga gina balik eamang it AKELCO sa mga konsumidor dahil sa kabilugan nga sobra 152,000 ka mga kunsomidor it AKELCO, naga-abot sa 80% hay uwa naga bayad sa eksakto nga petsa.
Rason nga naga kadelay man ru AKELCO sa pagbayad para sa mga generators nga gina bakean it koryente ag uwa it pag tabon para mag bayad sa NGCP ag maga pangatubang man dayon it pinalidad.
Nag-apila ru AKELCO it credit line sa ibang bangko para mag-utang ag itampuwa sa kakueangan ag maga bayad man gihapon it interest sa bangko ng agin utangan agud indi pag utdan it power supply.//MARIVIC Y. ILIN
