CAMARINES NORTE- Hiningi ng Lokal na Pamahalaang Bayan ng Daet ang pangunawa at kooperasyon ng publiko sa ipinaiiral ngayong mga bagong patakaran sa Daet Public Market
Sa impormasyong nakalap ng Brigada News FM Daet, ito ay bilang pagtalima sa direktiba ng DILG may kaugnayan sa safety seal upang matiyak na ang mga business establishments kasama ang mga nasa negosyong sakop ng Pamilihang Bayan ay sumusunod sa Minimum Public Health Standards.
Ipinaalam ng naturang LGU sa lahat ng mga mamimili at magtutungo sa naturang pamilihan na nagtalaga sila ng anim na entrances at anim din na exits
Ang mga mamamalengke ay kinakailangang magfill up sa log book, magfoot bath at kunin ang temperatura.
Habang ang mga mayroong APP ng StaySafe PH ay mas mabilis na makakapasok dahil scanning na lamang ng QR code ang gagawin sa halip na maglogbook.
Umapela naman sa publiko ang LGU ng pakikiumisa dahilan sa maari umano silang matapawan ng disciplinary action ng mga ahensyang namumuno sa ipinapatupad na direktiba
