Mga pamilya nga madulaan puluy-an sa Tabugon, nagapangayo bulig kay Mayor Miranda

-Reymund Titong

KABANKALAN CITY, Negros Occidental — Nagapangayo sa karun sang bulig ang ginatos ka mga pamilya sa lima ka purok sang Barangay Tabugon sa syudad sang Kabankalan, matapos nagpapanaog sang writ of possession ang korte nga naga-pabor sa Philippine National Bank (PNB) bilang tag-iya sang duta nga anay ginapanag-iyahan sang Dacongcogon Sugar Central.

Pahayag ni Purok Tar-Apple chairman Jester Demi, ang nagapangayo sila sang bulig sa lokal nga panguluhan sang Kabankalan sa pagpanguna ni Mayor Benjie Miranda, agud ma-plastar kun diin sila pwede makasaylo, matapos nga nag pahumdum sa mga naga-estar sa anay duta sang central nga gin-foreclosed sang PNB sang 2008, nga mag-biya na sa lugar.

READ: “Kun pahalinon kami, diin kami masaylo? Tani bisan sa kalog nalang kami,” — Warleta Gesona

Sa writ of possession ang nagalakip sa lima ka titulo sang duta nga may title numbers: T-3532, T-3533, T-3534, T-3535, kag T-3536, nga may kabug-usan nga 56 ektaryas nga duta.

Pahayag ni Barangay Kagawad Reyjan Mahusay, ang ang pagpanag-iya sang duta sang PNB ang maka-apekto sa 250 ka mga households ukon kapin isa ka libo ka indibidwal nga gikan sa purok sang Molave, Red Mahogany, Ipil-Ipil, Langka, kag Tar-apple.

READ: 250 ka pamilya madulaan puluy-an sa pagbawi sang PNB sa duta sang central sa Tabugon

Dugang pa sang kagawad nga sa ila lebel, wala sila sang kapasidad kun relokasyon sang mga pumuluyo ang paga-estoryahan kun di e-lobby ang problema sa lokal nga panguluhan sang syudad.

Sa piyak nga bahin, nanawagan man si Demi sang bulig kay presidente Ferdinand Marcos, Jr. para sa ila relokasyon, bangud Indi lang ang ila pagsinilayo ang apektado kundi pati man ang ila pangabuhian nga naga-sandig sa pag-panguma.*

Leave a Reply

Your email address will not be published. Required fields are marked *