“Kun pahalinon kami, diin kami masaylo? Tani bisan sa kalog nalang kami,” — Warleta Gesona

-Reymund Titong

KABANKALAN CITY, Negros Occidental — Asawa sang anay trabahador sang Dacongcogon Sugar Central sa Barangay Tabugon, syudad sang Kabankalan, ang naga-problema kun sa diin sila masaylo matapos gin-manduan ang tanan nga naga-istar sa sulod sang 56-ektaras nga nga propedad sang Philippine National Bank (PNB), nga mag-biya na sa lugar.

Sa interview sang Brigada News FM-Kabankalan kay Warleta Gesona, 83-anyos, kag residente sang Purok Molave sa nasambit nga barangay, iya gin -pahayag nga wala sila naga kuntra sa pagbawi sang PNB sa duta nga anay ginabanag-iyahan sang central, bangud sila ang may kinamatarong diri, apang ila gina-problema ang ila sayluhan, sa tion nga magbiya na sila sa lugar.

“Kun pahalinon kami, diin kami ma saylo? Tani bisan sa kalog nalang kami,” pahayag ni Gesona.

Dugang pa niya nga “Kabalo man kami nga indi ni amon duta, pero diin kami makadto?”

READ: 250 ka pamilya madulaan puluy-an sa pagbawi sang PNB sa duta sang central sa Tabugon

Suno kay Gesona nga kalabanan nga mga naga-estar sa ila lugar ang anay empleyado sang Central, antis ini gin-foreclosed ukon gin-kuwa sang bangko sang 2008.

Nahibalu-an nga na-establisar ang central sang kalamay sang 1968, sa tion sang administrasyon sang diktador nga Ferdinand Marcos, Sr. kag naga-serbe man nga legasiya ni Bishop Antonio Fortich nga amo naman ang nag–organized sang kooperatiba nga nag-padalagan sang kumpanya sa sulod sang apat ka dekada.*

Leave a Reply

Your email address will not be published. Required fields are marked *