LEGAZPI CITY – Piglatag kan Committee on Laws, Rules and Oversight kan Junta Probinsya kan Albay an posibleng mga maaapektaran en kaso ibugtak an bilog na probinsya sa irarom kan state of calamity nin huli sa rabies cases na rekomendasyon kan Provincial Veterinary Office.
Sa intrevista kan Brigada News FM Legazpi kay Board Member Atty. Melissa Abadeza-Armedilla, Chairman kan komite, sinabi kaini na enot digdi an turismo, huli ta maaalarma an publiko orog na kun wara ki bastanteng datos nganing suportaran an state of calamity, asin panduwa, mabubuksan su boot an paggamit kan 5% calamity fund kan probinsya.
Segun kay Armedilla, pwedesir pang makontrol an mga kaso kan rabies sa paagi nin pagtataong atensyon asin pagriparo, siring kan paggibo ki mga programa, asin bako talaga sa paagi nin pagdeklara ki state of calamity.