LEGAZPI CITY – Hahalion na kan Commission on Elections (COMELEC) an nasa 323,340 na mga indibidwal sa Bicol Region na dai nakapagboto duwang beses sa eleksyon.
Segun kay COMELEC Bicol Regional Director Atty. Ma. Juana Valeza, an probinsyang may pinakadakol na dai nakapagboto iyo an Camarines Sur na nasa labi 120,000; sinundan kan Albay na nasa labi 66,000; Masbate na may labi 56,000; Sorsogon na may labi 36,000; Camarines Norte na nasa labi 26,000; mantang ultimo an Catanduanes na nasa labi 16,000, alagad magkakaigwa muna nin election registration board hearing antes halion an mga ini.
Segun kay Valeza, an nagkapira kaya sa mga botante, warara na o naglipat na ki mga lugar, may mga trabaho o kaya garadan na, kun kaya dai na nakakapagboto.