LEGAZPI CITY – Pigsiyerto kan PhilHealth Bicol na dae na mauutro pa an mga nangyari kan mga nakalihis na taon manungod sa pagpapabakal nin Philhealth sa masa o ghost patient sa mga pribadong ospital sa probinsya nin Albay.
Segun kay Darlene Nuyles, OIC PhilHealth Albay, mas pinakusog pa ninda an massive orientation asin information partikularmente sa remote areas asin mga barangay tanganing maaraman an importansya komo miyembro kan PhilHealth.
Nagtutubod an ahensya, sa paagi kan mga pigsasagibong aktibidad o kampanya sa mga barangay, wara na nin makakalusot siring kan mga nakalihis na taon na pigpabakal sa kantidad na PHP2,000 tanganing magkaigwa sana nin kwarta an miyembro.
