Ginbisita ni Bacolod Mayor Evelio Leonardia ang haya sang ginluthang nga Police sang Bacolod City Police Office, Police Staff Sergeant Joseph Nepomuceno sa Brgy. 14 syudad sang Bacolod.
Naghatag man ini sang pagsaludo bilang pagkilala sa serbisyo sa nagtaliwan nga police, kag condolences nabilin nga pamilya.
Sa amo man nga higayon, ginpahayag sang Leonardia nga nag estorya sini si PNP Chief Gen. Guillermo Eleazar kon sa diin ginhinyu sini ang syudad sa imbistigasyon sa kaso ni Nepomuceno kag away kontra druga.
“I asked him to give special attention and go deeper in their investigation and help Bacolod in its campaign against drug trade.”
Madumduman, duha ka insidente sang pagpatay ang nagkuntag nagligad nga semana.
Agosto 29, ginluthang sang riding in tandem si Police Staff Sgt Joseph Nepomuceno sa Rosario Street, Brgy. 38. Duha ka adlaw ang nakaligad isa naman ka bangkay nga ginkilala kay Glenn Paul Castillo ang nasapwan nga wala na sang ulo nga ginbilin sa pareho nga lugar, sa dili madugay nasapwan ang ulo sini nga ginhulog sa dalan sakup sang Purok. Sigay, Brgy. 2.
