Matinding bakbakan ang masisilayan sa do-or-die Game 3 championship series ng College of Saint Benilde at defending champion Colegio de San Juan de Letran sa NCAA Season 98.
Back-to-zero ang best-of-three championship series ng Blazers at Knights at gaganapin ang do-or-die Game sa Linggo sa Ynares Sports Center sa Antipolo City.
Nanalo ang Benilde nang maiuwe nito ang 76-71 laban sa Letran sa Game 2 ng laro sa Smart Araneta Coliseum noong Linggo.
Nakasabay ang Blazers sa pisikalang laro ng Knights sa sobrang pisikalang laro, na-eject si Fran Yu ng Letran matapos patawan ng unsportsmalike foul nang sikuhin nito si Mark Sangco sa second quarter.
Dahil sa ejection, hindi na masisilayan pa si Yu sa Game 3 ng serye dahil awtomatiko itong mapapatawan ng isang larong suspensiyon.//CA
