Nakatutok na ang Department of Agriculture (DA) sa maaaring maging epekto ng mga pag-ulan sa sektor ng pagsasaka.
Ayon sa huling ulat ng DA, posibleng maapektuhan ng bagyo ang higit na dalawang milyong ektarya ng standing crops.
Sa kasalukuyan, umaabot sa mahigit isang milyong ektarya ang may tanim na palay.
53% dito ang nasa seedling at vegetative stage habang 13% naman ang nasa maturity stage.
Kaugnay nito, pinayuhan ng DA ang mga magsasaka na anihin na ang kanilang mga pananim bago pa ito mapinsala ng naturang bagyo.
Samantala, nakikipag-ugnayan na ang DA Regional Field Office sa mga rehiyong posibleng daanan ng bagyo.
