Dapat magkaroon ng coordinated effort sa pagitan ng mga law enforcement agencies, ng PAGCOR, at ng mga lokal na pamahalaan upang tuluyan nang matuldukan ang problema sa POGO sa bansa.
Ito ang idiniin ni Senate Committee on Ways and Means Chairperson Senador Sherwin Gatchalian kasunod ng naging raid sa isang POGO hub sa Cebu.
Ayon kay Gatchalian ang presensya ng mga dating empleyado ng POGO sa Tarlac at Porac sa hub sa Cebu ay nagpapakita na nangangailangan pa ng masinsinang imbestigasyon sa usapin.
Aniya, sa kabila ng naging kautusang POGO ban ni Pangulong Bongbong Marcos, nananatili pa rin ang paglabag ng ilang mga POGO operators at agents.
Lumilipat kasi umano ang mga ito ng lugar.
Panawagan din ngayon ng senador ang mahigpit na pagpapatupad ng komprehensibong hakbang upang matiyak na titigil na talaga ang mga POGOs.
