GIPANINGKAMUTAN karon sa usa ka Pastor Douglas Sison sa Mt. Calvary nga mahatod sa Amerika ang patayng lawas sa magtiayong Amerikano nga sila Jonathan Stephy, 60-anyos ug asawa niining 61-anyos.
Matud ni Sison nga nailhan niya ang mag-asawa mga sobra duha ka tuig, ug dugay na nga mga misyonaryo gikan pa sa Iloilo hangtud nakaabot sa GenSan mga sobra duha ka tuig.
Kasamtangan anaa sa punerarya sa Barangay Labangal ang patayng lawas sa magtiayon nga naapil sa pagkasunog sa ilang balay sa Barangay City Heights.
Matud ni Pastor Sison, nga walay pamilya ang magtiayong missionary sa GenSan apan mianhi dinhi aron magserbisyo pinaagi sa pag-alagad sa Ginoo.
Nagtuo usab kini nga posibleng na-suffocate ang magtiayon dihang nasunod ang ilang balay tungod wala man napaig ang ilang mga lawas.
Ihatod matud pa niini sa Springfield, Missouri, USA ang patayng lawas sa magtiayong missionary.
