GIKONSIDERA sa mayor sa GenSan ang posibleng pagtanggal sa pagbawal sa pagpahigayon og Zumba workouts sa pampublikong lugar ug ubang related activities ilawom sa general community quarantine (GCQ) measures.
Matud ni Mayor Ronnel Rivera, giila niini ang Zumba activities nga mass gathering restrictions apan kinahanglan sa katawhan aron mamintina ang himsog nga panglawas.
Dugang niini, usa kini sa ilang hisgotan sa umaabot nga konsultasyon kauban ang miyembro sa City Inter-Agency Task Force (CIATF) for the Management of Emerging and Re-emerging Infectious Diseases.
Ang pagkonsidera ang kabahin sa pagbalanse sa Covid-19 response ug sitwasyon sa ekonomiya sa dakbayan. Ugaling tugotan kini, gisiguro nila nga hugot mapatuman ang compliance sa health protocols atol sa public workouts. ( Richel Gubalani)
