NAGLAOM si Land Transportation Office (LTO) 12 regional director Macario Gonzaga nga mahatag na nila subli ang plastic driver’s license sa Oktubre.
Kini base sa target nga gibutyag kanila sa ilang central office. Matud ni Gonzaga, gikulang ang suplay sa plastic cards sa LTO tungod sa procurement niini lakip na usab ang license plate nga giangkon sa Department of Transportation o DOTr. Gumikan niini, butyag ni Gonzaga, extended hangtud sa Oktobre 31 karong tuiga ang expiration sa mga driver’s license nga nag-expire gikan atong Abril 23 asa gikulang sila og suplay sa mga plastic cards.
Dugang ni Gonzaga, gihangyo na nila sa DOTr nga paspasan ang bidding ug procurement sa plastic cards. Kampante usab si Gonzaga nga mahuman na ang procurement sa mga katapusan sa Oktubre. I Richel Gubalani
