TANGGONG sa managlahing presinto sa kapulisan sa rehiyon-12 ang 59 ka indibidwal nga gikaengong dunay standing warrant of arrest. Sa rekord sa Police Regional Office (PRO) 12 sulod sa usa ka semana nga operasyon gikan Mayo 22-27, 2023 naa sa 59 ka operasyon ang nalusad.
Asa sa 59 kataong nasikop sa pagpatuman sa warrant of arrest, upat niini ang naklisipika nga most wanted tungod sa kasong giatubang.
Matud ni Police Brig. Gen. Jimili Macaraeg, regional director sa PRO-12 tumong sa paglusad og operasyon ang aron patubagon ang mga personalidad sa gikaengong nasupak nilang balaud. Dugang sa opisyal, tumong usab niini ang mamintina ang kahapsay ug kalinaw sa tibuok rehiyon.
Sakop sa rehiyon ang probinsiya sa Cotabato; Sultan Kudarat’ South Cotabato; Sarangani ug siya sa GenSan, Tacurong ug Kidapawan City. Samtang sa GenSan, una nang gibutyag ni Col. Jomar Alexis Yap, director sa GSCPO nga miubos og 13 porsyento ang ihap sa krimen. Tungod operasyon batok most wanted person sa dakbayan. I Richel Gubalani
