Bangud sa pagnaba it pandemic alert level sa maein-eain nga parte it Western Visayas, naging manami nga hudyat raya para sa pagpadayon it limited face-to-face classes, base sa Department of Education (DepEd).
Ku nagtaliwan nga dag-on, 20 ka mga eskwelahan ro ginhimo nga pilot area para sa limited face-to-face classes pero nadugangan man raya it 80 pa nga mga eskwelahan para sa expansion it mga klase.
Base sa pahayag ni Mr. Hernani Escullar Jr., regional information officer it DepEd Region 6, ro Aklan, Bacolod City, Capiz, ag Guimaras hay sa Alert Level 1.
Sa pihak nga bahin, ro Antique, Iloilo City, Iloilo Province, ag Negros Occidental hay ginlipat sa Alert Level 2.
Bangud dikara, ginaasahan nga mas maabong mga eskwelahan sa bieog nga rehiyon ro makahiwat it F2F classes./JIL B. LACSON
