Magapatigayun ro LGU Kalibo, Municipal Health Office (MHO) Kalibo ag Philippine Red Cross-Aklan Chapter it Blood Letting Activity sa Kalibo Pastrana Park Covered Court hin-aga, Setyembre 6, 2022.
Magaumpisa raya it alas 8 it agahun hasta alas 5 it hapon.
Makabatun it tig-limang kilo nga Jasmine rice halin sa LGU Kalibo ro first 200 successful blood donors.
Ro nasambit nga inisyatibo hay sangka pamaagi it LGU nga makabulig sa PRC-Aklan Chapter nga madugangan ro suplay it dugo sa Kalibo. / ANN DESLENE SALAZAR
