Wala nang buhay nang matagpuan ang isang babae sa kanilang bahay matapos umanong barilin ng kaniyang asawa dahil sa selos sa Dasmariñas, Cavite.
Ayon sa imbestigasyon, nagtamo ng tama sa leeg ang biktima na agad kumitil sa kanyang buhay.
Nag-iinuman umano sa kanilang bahay ang biktima at ang kanyang asawa ng bigla silang magkaroon ng kwentuhan na nauwi na sa pagtatalo at pamamaril sa biktima.
Sa kasalukuyan, patuloy pa ring tinutugis ng mga otoridad ang suspek na tumakas sakay ng kaniyang motorsiklo matapos ang ginawang krimen.
