LAING 22 kilos nga lechon baboy ang gikumpiska sa taga Meat Inspection Team sa City Veterinary Office sa usa ka litsonan nga nahimutang sa dalang Nuñez sakop sa Barangay San Isidro, Gensan.
Subay sa talaan sa presento 4 si Dr. Rex Calub ang nanguna sa inspection sa litsonan unya adunay pwesto nga adunay gina-display nga litson baboy apan wala matud pa nakapakita og meat inspection certificate isip pamatuod nga naka-agi og anti mortem ug post mortem examination ang gi-display nga karne.
Nagpakita pa og pagdumili ang tagtungod apan gikuha kini sa Meat Inspection Team, subay sa talaan anaa sa 22.2 kilos nga lechon.
Sa paghinabi sa 89.5 Brigada News FM Gensan sa labaw sa City Vet nga si Dr. Antonio Marin sumala niini nga kabahin kini sa ilang trabaho nga masiguro nga safety ug nakaagi sa inspection ang ginabaligya nga lechon.
Kon sundon daw sa mga naganegosyo og lechon ang balaud anaa lang sa P300 hangtud P400 pesos ang bayrunon sa usa ka baboy nga ipaihaw sa pampublikong ihawan.
Gidugang ni Marin nga wala nila ginagukod ang mga paihaw o pa-lechon alang sa mga birthday, reunion, kasal, bunyag o lubong, ang ilaha nga gina habol ang ginabaligya nga commercial sa mga highway ug sa mga establisemento.
Panawagan ni Marin nga mo-report sa ilaha kon may namaligya og lechon nga walay Meat Inspection Certificate ug kon mopalit pangitaon ang certification aron makasigurado. (Ver Diazon)
