MA-RELEASE lang ang P30,000 nga tabang gikan sa National Housing Authority kun NHA subay sa gipadangat ni Sen.Bong Go ngadto sa mga pamilya nga nasunugan sa Purok Saeg, Brgy.Calumpang.
Segun ni Mary Ann Calonzo Tan, labaw sa City Housing and Land Management Office sa LGU GenSan nga ang maong kantidad ang alang sa housing materials ug may listahan na sa pamilya nga makadawat nga anaa sa kapin sa 300.
Sa karon ginahangyo nila kung mahimo nga mahatag ang maong kantidad aron magamit sa mga nasunugan isip bayad sa arkila.
Nasayran nga karon na ang adlaw nga ginapahawa na sa evacuation center ang mga nahisgutang pamilya tungod gamiton na ang eskwelahan.
Una nang ginahikutar sa syudad ang relokasyon apan sa karon wala pay luna nga napalit luyo nga anaa ang pondo nga mokabat sa P90 million.
Aminado si Tan nga madugayan pa bag-o mahatagan og relokasyon ang mga nasunugan mao nga may pakig-alayun sila sa tag-iya sa nasunog nga area sa purok Saeg, Calumpang nga pamilya Habaluyas aron kini paliton ug mapuy-an sa mga apektadong pamilya.
