CAMARINES NORTE – Pinagkalooban ng Department of Information and Communication Technology (DICT) ng trophy at equipment ang Labo District Jail Tech4ED Center.
Isa ang BJMP Labo District Jail sa mga awardees sa katatapos lang na Search for the Most Outstanding Tech4ED Centers in the Bicol and MIMAROPA Region dahil sa exceptional practices sa pagpapaunlad ng Information and Communications Technology (ICT) services partikular sa persons deprived of liberty (PDLs.
Ang matagumpay na implementasyon ng Tech4ED Center ay dahil umano sa selfless efforts ng DICT-Camarines Norte Personnel sa ilalim ng strategic administration ni Dir. Cheryl Ortega.
Noong Lunes ay tinanggap ni JO2 Norberto Ferrer Jr., ang Center Manager ng BJMP Labo Tech4ED Center ang trophy at ICT equipment.
Mababatid na mayroon nang mahigit kumulang 30 na Tech4Ed Center sa buong lalawigan ng Camarines Norte na nagbibigay serbisyo.
Kabilang sa mga serbisyong iniaaalok ng mga Tech4Ed Center ay ang libreng pagamit ng laptop at internet conection gayundin ang online appointment at scheduling sa iba’t- ibang opisina ng gobyerno.
(photo courtesy : DICT)
