PUNTING sa bag-ong liderato sa GenSan City Traffic Police ang mahimong ‘role model’ sa nasud nga walay korapsyon.
Hinungdan nga gisubli niini ang pahimangno sa mga sakop nga ilawom sa iyang pagdumala kinahanglang walay korapsyon sa Traffic Enforcement Unit (TEU).
Matud ni Police Major Oliver Pauya, hepe sa TEU nga kasuhan niya ang sakop nga masuta niyang nangotong sa mga motorista.
Giawhag niini subli ang publiko o mga motorista nga gilayong itaho o isumbong kanila ang tawo nga nangotong kanila sa kadalanan.
Samtang, gipasalig usab ni Pauya ang paghatag og maayong serbisyo sa publiko ug gisiguro nga mahimong paspas ang transaksyon sa mga tawo nga lambigit sa bangga.
Ang subling pamahayag ni Pauya kalabut niini tumong nga mabalik ang kumpyansa sa publiko ngadto sa maong buhatan.- Richel Gubalani
