MITUBAG na ang labaw sa General Santos City Police Office (GSCPO) sa ‘ultimatum’ nga gihatag kaniya ni Mayor Lorelie Pacquaio.
Mubo man ang tubag ni Police Col. Jomar Alexis Yap, director sa GSCPO kalabut sa pamahayag sa mayor, gisiguro niining gihimo nila ang ilang trabaho
Giklaro ni YAP nga wala nagkulang og suporta kanila si Mayor Pacquaio
Ang intelligence fund ang ginagamit nila aron masiguro ang seguridad sa gensan ug makahimo og lawom nga imbestigasyon ang sakop.
Aron mahatag sa pamilya sa mga gipangpusil-patay sa gensan ang hustisya.
Samtang dugang ni Yap, bisan paman hulipan siya sa pwesto buot lang niya nga dili magpa-pressure ang mga imbestigador tumong makapasaka og hugot nga kaso batok sa mga mihimo sa krimen.
Lunes sa buntag atol sa flag ceremony, gibutyag sa mayor nga gihatagan niya og 20 kaadlaw nga ultimatum si Yap aron resolbahon ang mga krimen partikular na ang pagpamusil.
Sa ulahing datus usab gikan sa GSCPO , gikan sa 32 ka insidente sa pagpamusil gikan Enero naa na lang sa unom ang padayong giimbestigahan. – Richel Gubalani
