Nakaabot na sa kahibalo sa hepe sa Bula Police Station ang may kalabotan sa usa ka Trisikad nga gi alegar nga gi kawat sa kawatan Hulyo dos sa kasamtangan nga tuig.
Sa paghinabi sa Brigada NewsTeam kay PCAPT Ari Noel Cardos gisulti niini nga adunay modus karon ang mga kawatan ug motorsiklo,aduna daw mga batan-on ang uban minor de edad nga ginatulak lang sa mingaw nga dapit ang mga unit unya kuhaan ug pyesa nga ilang gikinahanglan.
Apan maningkamot daw sila nga mahatagan ug kasulbaran ang hitabo pinaagi sa mga CCTV Camera nga anaa sa palibot.
Sa dugang impormasyon nga gihatag sa Biktima nga si Julie Garcia nga taga Purok San Jose Baluan ang iyang unit usa ka XRM 110 kolor pula,usa ka bulan palang sukad napalit sa unang tag-iya kumpleto sa papelis ug walay utang.
Pait daw ang iyang kahimtang kay mao lang kadto ang iyang panginabuhian,mao nga nanawagan siya sa makakita nga itug-an sa pinakaduol nga estasyon sa kapulisan.
Kahibaluan nga Nawala ang trisikad atbang sa usa ka punerarya sa Santiago Boulivard samtang anaa sa lamay ang tag-iya. Ver Diazon
