KUNG klaro ang direksyon, walay rason nga dili makab-ot ang GenSan dream.
Kini ang gipunto ni Brigada Elmer V. Catulpos, nga kinahanglan nga maplastar ang mga polisiya ingon man infrastractures aron maka-attract og ensaktong investment nga makapakusog sa pag-angat sa local nga ekonomiya ug sa pag-asenso sa kinabuhi sa katawhan.
Ang kinahanglan gayud mao ang saktong edukasyon padulong sa direksyon nga giplastar alang sa paglambo.
Kung may direksyon ug kung asa gayud ang hustong padulngan sa mga sector sama sa tourism, manufacturing gawas sa fishing industry may lauman nga pag-asenso.
Dugang sa Ama ng Brigada kinahanglan usab ang klarong koordinasyon ug relasyon sa academe ug mga industriya ug suporta sa katawhan aron makab-ot ang gipunting nga kalambuan.
Mahimo usab nga tun-an kung unsa ang klase sa mga manufacturing ang himuong prioridad base na usab sa availability sa mga raw materials ug potential sa duol nga market sama sa BIMP-EAGA ug dinhi usab ma-develop unsa nga klase sa kurso ang pwedeng suportahan sa lokal gobyerno aron siguradong makatabang sa mga kabataan ug kinatibuk-ang katawhan.
Gani, alang kang Catulpos anaa sa lider ang pagkab-ot sa damgo sama sa gidamgo nga sama sa Singapore ang GenSan, angayan lang usab nga magtinabangay ang tanan.
