MIAPELA kang President Rodrigo Duterte si Dr. Renato Diagan labaw sa Diagan Cooperative Hospital aron hangyuon ang opisina sa Philhealth nga bayaran ang over-bed claims sa ospital nga nagasto niadtong nakalabayng tuig 2021.
Segun ni Dr. Diagan wala pa magsugod ang Covid-19 nakagasto na ang ospital alang sa mga pasyente nga myembro sa Philhealth, ug hangtod karon wala kini nabayran.
Usa matud pa ka private referral hospital ang Diagan alang sa tanang pasyente nga dili maka-afford sa bayronon gikan sa mahalon nga hospital ug sagad niini ang gikan sa Sarangani ug sa uban pang ospital sa syudad.
Nakaapekto na sa operasyon, maintenance, ug sweldo sa mga empleyado ang kalangay nga bayad sa Philhealth, rason nga miapela na si Dr. Diagan sa Pangulong Duterte.
Sa karon ginahulat pa niini ang tubag sa Pangulo aron mahatagan og solusyon ang maong problema, aron mabayran na niini ang mga unpaid supplier sa ospital ug padayong ma-akomodar ang tanang pasyente. I Enamie Mogpon
