-Reymund Titong
KABANKALAN CITY, Negros Occidental — Nassaka na sa 38 ka kumpirmado nga kaso sang pertussis ukon whooping cough ang na rekord sa probinsya sang Negros Occidental kag Bacolod, as of May 30.
Suno sa report sang provincial health nga gin-pangunahan ni Dr. Gerlie Pinongan, sa kabu-usan nga kaso, 24 diri ang gikan sa Negros Occidental kag 14 naman ang gikan sa syudad sang Bacolod.
Suno sa Department of Health (DOH), ang pertusis pwede makuha paagi sa wisik sang laway nga posibli mapasa naman paagi sa pag-ubo ukon pag-pangatsi, kag kalabanan nga nagakatapikan ang mga kabataan nga naga-edad 2-anyos paidalum.
Apang ang ini nga masakit ang mahimo mabatuan paagi sa pagpa-bakun, dugang pa sang DOH.*
