Nakabalhag kang 13,457 registered voters ang Commission on Elections sa Antique humalin katong Pebrero 12 tubtob Mayo 28.
Suno kay Antique provincial election supervisor Salud Milagros Villanueva, ginpahayag kadya nga magluwas sa onsite registration nga ginapatigayon kang municipal election officers (MEOs) sa 18 ka mga munisipalidad sa probinsya nagtanyag man dya kang satellite registrations sa mga kabaranggayan, malls, kag eskwelahan.
Tinutuyo kang off-site registration nga malab-ot ang mga kwalipikado nga registrants nga indi mahimo makaagto sa COMELEC offices. Angut kadya, may patigayunon nga voters’ education and registration fair sa University of Antique (UA) Main Campus sa Sibalom sa Hunyo 4.