Mokabat sa P690, 042.15 kantidad sa illegal logs ug ginabagas nga mga kahoy ang narekober sa mga sakop sa DENR-XI sulod sa contested areas sa Region XI ug XIII sa Brgy. Datu Davao, Laak, Davao De Oro and Brgy. Kapda, Loreto, Agusan Del Sur, sa Kms. 13, 15, 17, ug 21.
Ang 94 ka illigaly cut logs nasuta nga Deptirocarp species sa Lauan ug Bagtikan nga gilista isip Critically Endangered tungod sa market demand niini nga kasagarang materyales sa paghimo og mga furniture ug construction materials.
Sumala sa DENR XI’s Enforcement Division, nagkatag ang mga troso sa maong lugar ug gituyo sa pagtago ang uban sa mga lugot aron dili dayon makit-an samtang ang uban gipangtabunan og trapal.
Atol sa hauling operation sa mga sakop sa PENRO Davao de Oro, CENRO Maco, Regional Office’s Enforcement Division, National Intelligence Coordinating Agency (NICA-XI), Philippine National Police (PNP-XI), Philippine Army (PA-XI) ug Provincial Local Government of Davao de Oro narekober ang 40 piraso sa Round Logs, 54 pieces sa Flitches ug Lumber nga gideposito sa PLGU sa Davao de Oro.
Pahimangno sa DENR-XI nga dunay silot nga atubangon ang mga madakpan ubos sa PD 705 or Revised Forest Code of the Philippines, kini maglangkob sa Illegal cutting, transportation and possession of woods or timber gikan sa kalasangan.
