Pito ka pamilya ang apektado sa nahitabong sunog pasado alas nwebe kagahapon sa buntag sa Purok 15, Talusa Village, Talomo Proper, Davao City.
Ang pito ka pamilya ang kasamtangan karong giasistihan sa mga taga-barangay Talomo alang sa ilang panginahanglanon pinaagis a paghatag kanila og modular tents samtang nagtiner sa gym.
Sa maong sunog lima ka balay ang naugdaw ug dunay usa ka residente nga nakaangkon og minor injuries.
Base sa imbistigasyon sa BFP-Davao nag-over heat nga nakasaksak nga blower sa kalan sa suga ang sinugdanan sa sunog nga daling mikatag sa ubang kabalayan nga halos gama sa light materials.
Wala pay gipagawas detalye ang kabomberohan kung pila ang kinatibuk-ang danyos sa natigayong sunog.BNFM-DAVAO
