Nababagan sa mga sakop sa Task Force Davao ang maglive in partner nga nagdala og dakong kantidad sa droga sa checkpoint sa intensified joint military ug police checkpoint sa Toril kagahapon.
Giila ni Captain John Louie Dema-ala, spokesperson sa Task Force Davao ang mga suspek nga sila Arman Paraiso Dumaop,35-anyos nagpuyo sa Mabini Street, Digos City, Davao del Sur ug kapuyo niini nga giilang si Gwendolyn nga nakuhaan og otso gramos nga shabu mokantidad og P112,000.00
Lakip usab nakuha gikan sa ilang gisakyang Transformer multicab ang usa ka .22 rifle ug 86 piraso sa mga bala ug P200,000.00 cash.
Gidayeg usab ni TF Davao commander Colonel Darren Comia ang kapulisan ug mga sakop sa Sirawan Checkpoint sa gipatumang hugot nag pag-inspeksyon hinungdan nga nababagan ang pagsulod sa iligal nga droga sa syudad. BNFM-DAVAO
