Mikabat sa Php 26,880,000.00 ang damyos sa nahitabong sunog sa usa ka storage sa solar foam Incorporation nga nahimutang sa Brgy Sto Niño, Carmen, Davao del Norte niadtong Enero 28, 2024, Dominggo sa hapon.
Sa inisyal nga imbestigasyon sa Carmen Municipal Police Station, alas- 3:00 sa hapon sa susamang adlaw miulbo ang sunog sa nasangpit nga establisyemento.
Nasayran usab pinaagi sa CCTV’s nga anaa palibot sa Solar foam Inc., malisyusong gisunog sa suspek nga nailang si alyas Mich nga taga-Brgy. Anibongan sa nasangpit nga Lungsod ang maong gambalay.
Gumikan niini, mihimo dayon og hot pursuit operation ang otoridad ug daling nadakpan pagkagabii sa susamang adlaw ang suspek didto mismo sa iyang panilamay.
Kasong Arson ang giatubang sa suspek nga karon tingkagol na sa prisohan sa Carmen Municipal Police Station.
