NAGPAGAWAS og pamahayag ang pipila ka residente sa Davao City sa dungan sa pagtambong nila sa gihimong prayer rally aron babagan ang pagpirma sa People’s Initiative aron amendahan ang konstitusyon.
Asa mokabat sa kapin kulang 50,000 katao ang miapel sa prayer rally nga gipahigayon sa San Pedro Square, Davao City Enero 29, gabii.
Ang rally ang dungan sa pagbutyag sa mga residente sa siyudad nga gihatagan sila og claim stub sa mga nagpapirma bugti sumala pa sa ayuda. Butyag ni Athuro Moreno, wala nay kinahanglang bag-uhon sa konstitusyon sa nasud.
Sa bahin ni Al Pasana, residente sa lugar dili pa panahon nga amendahan ang konstitusyon, kini ang rason niya sa pagtambong sa prayer rally batok giduso nga pag-amenda sa Konstitusyon. Kahibaloan nga gawas sa Davao City, nataho usab ang pagpalit og pirma sa nagkadaiyang bahin sa nasud. I Richel Gubalani
