GIHINGUSGAN ni Kagawad Rosalita Nuñez, chair sa Committe on Health nga walay kurapsyon sa supplemental budget number 3 nga giaprobahan sa konseho bag-uhay lamang.
Matud ni Nuñez nga siyam sila nag-aproba sa maong supplemental budget nga kinahanglanon sa syudad aron mapadayun ang mga programa sa COVID-19 response sa LGU-GenSan.
Dakong portion sa pondo gamiton sa mga programa alang sa COVID-19 ug sa padayun nga mga galastuhan sa ospital ug uban pang pasilidad.
Matud ni Nuñez nga ang supplemental budget ang projected lamang tungod wala pa magasto gawas sa unang gigahinan nga naay mga detalye nga maoy unang ginakwestyon ni Kagawad Franklin Gacal Jr.
Giangkon usab ni Nuñez nga ang pagkwestyon ni Gacal sa maong supplemental budget nga niadto pa untang Desyembre giaprobahan ang hinungdan aron kini mapulihan sa Committee on Finance.
Alang kang Nuñez wala ginahimo ni Gacal ang iyang trabaho ug dili na matud pa sila makahulat nga kini makabalik gikan sa Amerika tungod wala nay pondo alang sa pagkaon sa mga frontliners, medisina sa ospital ug uban pang galastohan sa pag-atubang sa COVID-19.
