GIKUMPIRMA sa Brigada News FM GenSan ni Kagawad Atty. Dominador Lagare Jr. nga mipasang-at siya og reklamo batok sa labaw sa HRMDO sa LGU-GenSan nga si Leah Tolimao.
Segun ni Lagare ang kaso nanukad sa matud pa mga violations nga ginahimo ni Tolimao sa pag-hire og empleyado sa lokal nga gobyerno.
Partikular dinhi ang matud pa namugna niini nga posisyon sa CEMCDO ug may miaplay nga usa ka aplikante apan wala na-hire bisan sa pagtuo ni Lagare nga over qualified sa posisyon, apan sa pamahayag ni Tolimao kulang kini sa experience mao wala nila gidawat.
Gani gitawag pa ni Lagare nga murag private company ang HRMDO tungod sa palakasan system ug kung dili matud pa gusto sa labaw nga si Tolimao, iyahang patawagan sa staff nga dili kini qualified ug wala nay higayong ma-interview sa Personnel Selection Board.
Samtang gipadayag usab ni Lagare ang iyang pagkadismaya sa PRAISE incentive sa LGU-GenSan asa si Tolimao daw ang gabuot kinsa ang mga ibutang sa top 10 asa makadawat og tag P35,000 gawas sa year end bonus.
