LEGAZPI CITY – Matrayumpong naisagibo kasuudma an kaenot-enoteng simulation exercise on bombing incident sa Daraga, Albay. Isinagibo ini sa Daraga park kun sain nagkaugwa ki literal na pagsabog bilang demonstration asin digdi na pigsagibo kan mga otoridad an drill sa pagresponder asin kun ano an sistema kan mga lakdang na gigibuhon en kaso magkaigwa ki pambobomba sa banwaan.
Digdi binalo asinpinaheling an sistematikong lakdang asin koordinasyon kan mga otoridad kan manlain-laing ahensya sa siring na klase nin sitwasyon kun sain presente digdi an mga personahes kan Municipal Disaster Risk Reduction Council, Philippine National Police, Scene of the Crime Operatives, Explosive Ordinance Disposal Unit, Bureau of Fire Protection asin Public Safety office kan banwaan.
Ikinaugma man ni Mayor Awin Baldo an nagin resulta kan aktibidad asin marhay an may siring na drill nganing aram na kun ano an mga dapat na gibuhon orog na an dapat na pagprepararan.
Mientrastanto, sarong oras nagdurar an aktibidad asin ini an parte kan pagtatapos kan obserbasyon nin National Disaster Resilience Month.
