LEGAZPI CITY – Pigpresentar sa lokal na gobyerno kan Daraga, Albay an propwestong bagong radio communication device para sa mga personahes kan Municipal Disaster Risk Reduction and Management Office, Daraga Municipal Police Station asin Public Safety Office na may kinaraman sa communication system na bibilugon.
Obheto ka ining mas mapakusog an kakayanan kan mga opisina pag-abot sa pagresponder sa manlain-laing kalamidad o emerhensya huli ta kaya kaining maabot dawa an mga ararayong barangay.
Mientrastanto, segun kay Mayor Awin Baldo, importante ang lakdang na ini nganing magkaigwa ki matanos na koordinasyon sa pagultanan kan mga opisina na nagseserbing front liner kan banwaan.
