Nag-init ang ulo ni Senate President Pro Tempore Jinggoy Estrada kay Jojo Nones sa naging pagpapatuloy ng pagdinig ng sexual harassment sa kaso ni Sandro Muhlach.
Si Nones ang isa sa mga akusado na sinasabing nang-rape o nanghalay umano sa anak ng dating child star na si Niño Muhlach.
Sa nasabing pagdinig, nainis si Estrada sa paulit-ulit na pagtanggi ni Nones na sagutin ang kanyang katanungan at pagbulong muna sa abogado nito bago tuluyang sumagot kahit sa hindi naman umano incriminating questions.
Kasunod nito, nagdesisyon ang senador na huwag muna ito palayain at panatilihin muna sa detention facility ng Senado dahil sa kanyang naging aksyon.
Samantala, bigo namang makadalo sa pagdinig si Richard Cruz dahil naka-confine umano ito sa ospital dahil sa gastrointestinal bleeding.
