LEGAZPI CITY – Padagos man giraray an pag-ooperate nin quarry sa banwaan kan Guinobatan, Albay dawa pa wara man ki delivery receipt.
Ini an nanutaran ni Board Member Dante Arandia, kun sain dakulang problema ini nin huli ta bako bastante an kantidad nin income kan probinsya hale sa quarry operation kaya saro sa epekto iyo an may kaypuhan i-adjust pag-abot sa mga miyembro nin task force quarry.
Sa ngunyan, nakatalaang magkaigwa nin pag-orolay manungod sa isyu kairiba an lokal na gobyerno, mga opisyales kan barangay na may quarry site asin miyembros kan gobyerno-probinsyal.