Naglabas na ang Inter-Agency Task Force ng opisyal na listahan ng mga lugar na ikinokonsidera bilang “green” o “low-risk” countries sa gitna ng COVID-19 pandemic.
Ang mga bansang ito ay kinabibilangan ng Albania, American Samoa, Anguilla, Antigua and Barbuda, Australia, Benin, Belize, The British Virgin Islands, Brunei, Burkina Faso, Burundi, Cayman Islands, Chad, China, Cote d’Ivoire (Ivory Coast), Eswatini, Falkland Islands, French Polynesia, Gambia, Ghana, Greenland, Grenada, Hong Kong, Iceland, Isle of Man, Israel, Laos, Liberia, Malawi, Malta, Marshall Islands, Mauritius, Micronesia, Montserrat, Morocco, Mozambique, New Caledonia, New Zealand, Niger, Nigeria, Northern Mariana Islands, Palau, Rwanda, Saba, Saint Barthelemy, Saint Kitts and Nevis, Saint Pierre and Miquelon, Sierra Leone, Senegal, Singapore, Sint Eustatius, South Korea, Taiwan, Togo, Turks and Caicos Islands (UK), Vietnam, at Zimbabwe.
Una nang sinabi ng task force na ang mga indibidwal na kompleto na sa kanilang vaccination abroad at nananatili lang sa loob ng naturang mga bansa, 14 na araw bago ang kanilang arrival ay subject sa mas maiksing seven-day facility-based quarantine simula ngayong buwan.
Ang naturang mga pasahero ay sasailalim rin sa RT-PCR testing sa ikalimang araw sa ilalim ng kanilang quarantine sa accredited facility. // MHEL PACIA-TRINIDAD
