Makakaranas ang Metro Manila at ibang bahagi ng bansa ng bahagyang maulap hanggang sa maulap na kalangitan na may kasamang isolated rain showers o thunderstorms dahil sa Southwest Monsoon o localized thunderstorms.
Kaugnay nito, pinapayuhan ng Pagasa ang mga apektadong residente na maghanda laban sa posibleng flash floods o landslides dahil sa severe thunderstorms.
Sinabi naman ng weather bureau na nanatiling minimal ang epekto ng habagat sa bansa, bagama’t may binabatayan silang low-pressure area (LPA) na posibleng pumasok sa Philippine area of responsibility (PAR) sa mga susunod na araw.
Sa forecast ng Pagasa, huling namataan ang LPA sa 1,590 kilometers silangan ng extreme Northern Luzon, at may malaking tsansa na mabuo bilang tropical cyclone.
Sa oras na mabuo ito bilang bagyo, ito ay tatawaging “Emong.” // MHEL PACIA-TRINIDAD
