Pumalo na sa higit 700,000 ang bumisita sa loob ng Manila North Cemetery.
Batay ‘yan sa tala ng Advance Command Post ng Manila Police District, hanggang alas-dose ngayong tanghali
Samantala, isa naman miyembro ng LGBT ang umano’y nabugbog matapos makipag-inuman sa loob ng sementeryo.
Ayon kay MPD Director BGen. Arnold Thomas Ibay, iniimbestigahan na nila ang insidenteng ito.
Nangyari ito alas -2 kaninang madaling araw.
Iniimbestigahan na rin kung paano nakapasok sa loob ang alak.
Baka ito’y residente rin sa loob ng sementeryo.
Pagtitiyak ni Ibay, mahigpit ang seguridad sa labas at loob ng sementeryo at walang nakakalusot na ipinagbabawal na bagay.
