NAGTINGA na ang health care system sa GenSan dungan sa pag-ubos sa healthcare utilization rate samtang padayon ang pagsaka sa Covid-19 infections.
Kini ang gibutyag ni Dr. Fidel Peñamante, Presidente sa Philippine Medical Association (PMA) GenSan- chapter. Matud ni Peñamante, naa na sa critical ang bed occupancy rate ug intensive care unit karon tandi atong bulan sa Mayo ug Hunyo.
Buot man sa mga ospital nga mag-expand sa ilang building aron madungagan ang ilang kapasidad sa pagdawat og Covid-19 patient.
Dili gilayong mahimo sa pribado ug pampublikong ospital sa siyudad tungod sa kakulangon na og mga medical health care workers. Gumikan gawas sa nagpositibo sa virus nga nurses ug doktor, daghan sa nurses ang gipili na lang nga mo-trabaho abroad.
Kahibaloan nga taas ang positivity rate ug naa sa 3% ang fatality rate nga natala sa GenSan gikan nakalabay’ng bulan. Sa ulahing datus naa sa 894 ang aktibong kaso sa Covid-19 sa dakbayan samtang 409 ang Covid-19 related-death (as of Sept 20). ( Richel Gubalani)
