NAGAPADAYON ang voters registration sa Comelec GenSan hangtud sa katapusan sa bulan sa Septembre nga ginapahigayon sa mga mall sa GenSan samtang adunay satellite registration sa City Jail.
Sa pahayag ni City Comelec Officer Atty. Sittie Sharmaine Papandayan Garangan wala naga-ubos sa 300 ka aplikante matag adlaw ang ilang nadawat matag adlaw sa mall ug madugang kini sa ihap sa mga botante sa GenSan.
Samtang madayon ang ilang schedule nga Septembre 25 sa City Jail sa Lanton, Apopong nga sa ilang pasiunang impormasyon anaa sa 138 ang magparehistro nga mga Person Deprived of Liberty ug usa ka bulan nga gi-andaman sa taga Bureau of Jail Management and Penology alang sa mga rekositos sa mga priso sa pagparehistro.
Samtang nakaabot usab sa taga Comelec ang impormasyon nga adunay mga gustong magparehistro apan wala gipasulod sa mall gumikan wala pa nabakunahan, wala daw sila napahibalo sa mao nga polisiya apan sa ilang bahin anaa na kini sa patakaran sa taga mall. ( Ever Diazon)
