GITAKDA na sa Huwebes o Setyembre 23 ang ‘inauguration’ sa GenSan City Airport. Matud ni Leonard Flores, labaw sa City Economic Management and Cooperative Development Office (CEMCDO), gikalatag ang tanan.
Alang sa himoong seremonya nga gilaoman nga tambongan sa pipila ka gabinete ni Pangulong Rodrigo Duterte. Nakigpulong na usab kanila si Joel Gavina, manager sa Civil Aviation Authority of Philippines (CAAP) sa GenSan alang sa aktibidad.
Pipila sa gikaengong motambong mao si Transportation Secretary Arthur Tugade mga undersecretaries ug uban pang personalidad. 2017 gisugdan ang proyekto nga rehabilitasyon, pagpalapad ug pagpalambo sa paluparan.
Partikular nga gipalapdan ang passenger terminal building, apron ug pagpalambo sa air navigation equipment, power supply system ug uban landside facilities.
Apan tungod sa pipila ka kakulian naabot karong tuiga ang ‘completion’ sa P959 million Aerotropolis. Sa kalamboan,mahimo na sa GenSan ang ‘role’ niini nga mahimong international gateway, agri-industrial ug eco-tourism hub. ( Richel Gubalani)
